Пасажырка аэрапорта ў Гомелі выклала ў TikTok зону вылету — з прыбіральняй, залай чакання і кафетэрыем. За тры дні відэа сабрала амаль 2,5 тысячы каментароў.
@veronika_mur #гомель #путешествие #отдых #аэропорт ♬ оригинальный звук — veronika_mur
Яна прызналася, што ў яе адчуванне, нібыта яна трапіла ў 80-я гады мінулага стагоддзя.
Многія з ёю пагадзіліся, але былі і тыя, хто раскрытыкаваў яе за завышаныя чаканні.
- «А гэта дакладна не вакзал у вёсцы?»
- «Лётала з гэтага аэрапорта гадоў гэтак 30 таму. Вось гэта стабільнасць! Нічога не змянілася».
- «Спадзяюся, гэта ўбачаць у Амерыцы і чарговым разам нам будуць зайздросціць».
- «Вы не зразумелі? Гэта ж музей СССР! Рэтра-аэрапорт! Вы нідзе такога больш не ўбачыце! Гэта такі дызайн!»
- «Аэрапорт як аэрапорт! Дзякуй, што ён наогул ёсць. І выконвае сваю функцыю. Ездзіце на маршрутцы. Нічым не дагадзіць. Прыбіральня не такая. Хол не такі. Аўтобуса няма… Дык тое і Гомель, не Дубай».
- «Выдатны аэрапорт. Усё працуе, лётаем па некалькіх напрамках. І дзякуй богу».
- «І што ж дрэннага?! Людзі, шануйце тое, што ёсць! Усё цалкам нармальна!»
- «Нармальна ўсё. Чыста, акуратна. А калі няма рэйсаў, то за што рабіць рамонт сучасны?!»