У лістападзе насельніцтва выступіла чыстым пакупніком замежнай валюты. Бізнес таксама ёй запасаецца. Гэта вынікае са статыстыкі Нацбанка.
У лістападзе беларусы купілі замежнай валюты на 933 млн даляраў. Гэта на 57,6 млн даляраў больш, чым прадалі. Такія паводзіны не характэрныя для насельніцтва сёлета: беларусы актыўней куплялі валюту, чым здавалі, толькі ў студзені, кастрычніку і лістападзе, у астатнія месяцы сітуацыя была супрацьлеглай.
Беларускія фірмы ў лістападзе таксама запасаліся валютай — яе купілі ў эквіваленце амаль 2,4 млрд даляраў, а прадалі — крыху больш за 2,1 млрд.
Усяго за студзень-лістапад бізнес купіў валюты амаль на 23,1 млрд даляраў, а прадаў — 22,04 млрд. А насельніцтва купіла амаль на 8,8 млн, а прадало — больш чым 9,2 млн даляраў.
Чытайце таксама
